Phoenix Paprika Party

Zaoterdag 30 jannewari wuurd ut wer knalle in ut gehiel in stijl aangekliede seuske. Dun PhoenixPaprikaParty stiet daan op ut programma en dat beteikent carnaval viere zoas ut bedoeld is. In un raar pekske met un gojje toet beer inne hand duchtig los goan. Umdat dit vur ACV Phoenix ut ierste fiest vaan ut seizoen is zal ok dun neeje preens gepresenteerd weare onder de gezamelikke begeleiding vaan de soosmarietjes en de soosvorsten. Huidige preens Thijs mog zich daan beej ut keurkorps vaan de Ald Soospreensebrigade voege en geniete vaan ut verdere programma. Behalve dat DJ Gurde de nudige carnavalsplate zal dreeje kumpt dur namelik ok nog un fiestband optreeje. En neet zowuma un band. Speciaal vur dees gelegenheid is un select gruupke artieste in un oefenhok gestopt. Of dat oefene gebat heed… In ieder geval schame ze zich dur neet vur um un fiestje te kome bouwe en beej un ienmalig optreeje hed ut ok zien charme as dur un nootje neet gans zuuver klinkt. The Greyhound Gang bestiet vur un groet diel oet rasechte Hegelsummers met heer en doa iemus vaan un andere gebortegrond. Um vaan iedere artiest ut muzikaal verleeje te beschrieve is wat veul werk, ma ze hebbe zo good as allemoal hun spore verdind. Datzellufde verhaal geldt overigus ok op carnavalsgebied.
Vur de soosvreejwilligers is dur nog un extra reeje um langs te kome, want die kriege un welverdinde decoratie vaan ACV Phoenix.
Aanvang: 20.30u
Entree: €3,-

Reacties