Optreden Pats!

PATS! de Fiësbend oet Grubbevôrs en umstreake.
Zej speulen vastenaovesmuziek en zien van plan um vural rond de vastenaovestiëd hun kunstje te doon.
Dit doan zej vanovund heej!

PATS besteit uit 5 onverschrokke knappe jonge kearels die mekaar zoewel binne as boete de bend regelmaotig treffe um onder ut genot van un lekker gleaske gerstenaat de meist onwaarschienlike onzin oet te haole. We stelle ôs heejonder efkes veur:

Achter ut drumstel zit Gerard Versleyen, unne Grubbevôrsternear in hert en niere, dea behalve de stökskes ôk wal ens de 4-snaorige gitaar vas pak. Behalve beej Pats! Is Gerard d'n drummer van de Plaggeband en de Mudroad House Band, ôk is hea reservedrummer beej Immerklem en is hea regelmaotig te vinde in allerlei andere geleageheidsorkeste. Gerard is de man deasse tussedoor met de grappe huurs. Altied un möpke klaor, altied iets te lache, allein ging um ut zinge ni zoe good aaf.

Dan hebbe we Jules Fransman, ozze Blierikse Bassist. Toen we begoste had hea nog un gitaar in hand, nôw nog aaf en toe, toen hea aangoof te wille gaon basse heat hea mar twiëje snaore van de gitaar aaf getrokke en is volop gaon basgitare. Ôk nimt hea un stuk van de zang vur zien reakening. Jules heat neave Pats nog un paar projekte laupe, maar of hea alles kèn blieve doon asse straks naor de Rockacademie geit is nog de vraog. In idder geval hebbe weej um vur 11 jaor, 11 maond, 11 weake en 11 daag alvast gekleemd.

Roberto Zimmermensch, oftewel Rob Timmermans! De Grubbevôrster Gitaris en Zanger dea neave Pats ok nog beej Rauw zit. Rauw waar in eur debuutjaor al metein suksesvol op de Grubbevôrster liedjesaovend. En asof ut ni genôg is speult Rob ôk nog ens beej de Plaggeband. Rob is dan wal de kleinste, mar zeker ni de minste van ut ganse stel! Hea speult as unne groëte jong de meiste gitaarsolo's en is regelmaotig lijdend veurwerp in liedjes, en dàt ni allein as zanger. Ge kint um belle op 32-16-8.

Wim Raedts, alias Funs, Gitaris nummer 2 en ôk zanger van jewelste. Wim is unne echte Zearumse Eazelskop dea behalve zien oeterlik en lengte, ôk zien stem en gitaarspel mei heat. Vurhear frontman beej un andere band, nôw ein van de 5 köp van Pats! Ziene beejnaam Funs heat hea te danke aan zien sjouw en bouw werke beejImmerklem, daor is hea namelik d'n vaste roadie. Wim zink ok beej Rauw, ut is dus gen wonder det die debutante metein in de prieze veele.

D'n Toetseman is Marcel Engelen, ôk unne Grubbevôrster jong dea niks leever duit as zich laote huure. Marcel zink ut meiste van ut rippertwaar en speult daorbeej op de toetse of op de keytar. Hea speult en zingt ni allein beej Pats! mar ôk beej de Grubbevôrster Plaggeband en hea is de rechterhand (en as die ni sluëp de linkerhand) van de frontman van Immerklem. Môchse toevallig oeit iets van 'de Sieskes' of van 'de Oetzendkrachte' huure, dan huurse Marcel zien stumke ôk.

Oftewel dit wurd vanovund ien groet fiest!

Reacties

Marcel schreef op :
Jaja, da simmer dabei!